Main Index: Albanian Bible UTF8

Psalms 147

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79] [80] [81] [82] [83] [84] [85] [86] [87] [88] [89] [90] [91] [92] [93] [94] [95] [96] [97] [98] [99] [100] [101] [102] [103] [104] [105] [106] [107] [108] [109] [110] [111] [112] [113] [114] [115] [116] [117] [118] [119] [120] [121] [122] [123] [124] [125] [126] [127] [128] [129] [130] [131] [132] [133] [134] [135] [136] [137] [138] [139] [140] [141] [142] [143] [144] [145] [146] [147] [148] [149] [150]

PS 147:1 Lëvdoni Zotin, sepse është një gjë e mirë t'i këndosh lavde Perëndisë tonë, sepse është e kënaqshme dhe e leverdishme ta lëvdosh.

PS 147:2 Zoti ndërton Jeruzalemin, dhe mbledh të humburit e Izraelit.

PS 147:3 Ai shëron ata që e kanë zemrën të thyer dhe lidh plagët e tyre.

PS 147:4 Llogarit numrin e yjeve dhe i thërret të gjitha sipas emrit të tyre.

PS 147:5 I madh është Zoti ynë, e pamasë është fuqia e tij dhe e pafund zgjuarësia e tij.

PS 147:6 Zoti larton njerëzit e përulur, por ul deri në tokë njerëzit e këqij.

PS 147:7 Këndojini Zotit me falenderim, këndojini me qeste lavde Perëndisë tonë,

PS 147:8 që mbulon qiellin me re, përgatit shiun për tokën dhe bën që të rritet bari në malet.

PS 147:9 Ai i jep ushqime bagëtisë dhe zogjve të korbeve që thërresin.

PS 147:10 Ai nuk kënaqet në forcën e kalit, dhe nuk gjen ndonjë gëzim në këmbët e njeriut.

PS 147:11 Zoti kënaqet me ata që kanë frikë prej tij, me ata që shpresojnë në mirësinë e tij.

PS 147:12 Lëvdo Zotin, o Jeruzalem, kremto Perëndinë tënd, o Sion.

PS 147:13 Sepse ai ka përforcuar shufrat e portave të tua dhe ka bekuar bijtë e tu në mes teje.

PS 147:14 Ai e ruan paqen brenda kufijve të tu dhe të ngop me grurin më të mirë.

PS 147:15 Dërgon mbi tokë urdhërin e tij, fjala e tij merr dheun.

PS 147:16 Dërgon borën si lesh dhe përhap brymën si hi.

PS 147:17 Hedh breshërin e tij si me copa; kush mund t'i bëjë ballë të ftohtit të tij?

PS 147:18 Dërgon fjalën e tij dhe i shkrin ato; bën që të fryjë era e tij, dhe ujërat rrjedhin.

PS 147:19 Ai ia ka bërë të njohur Jakobit fjalën e tij, dhe Izraelit statutet e tij dhe dekretet e tij.

PS 147:20 Ai nuk e ka bërë këtë me asnjë komb tjetër; dhe ato nuk i njohin dekretet e tij. Aleluja.