PS 46:1 Perëndia është për ne një streh dhe një forcë, një ndihmë gjithnjë e gatshme në fatkeqësi.
PS 46:2 Prandaj ne nuk do të kemi frikë edhe sikur toka të luajë dhe malet të hidhen në mes të detit,
PS 46:3 dhe ujërat e tij të tërbohen dhe të shkumojnë, dhe malet të dridhen në fryerjen e tij. (Sela)
PS 46:4 Éshtë një lumë brigjet e të cilit mbushin me gëzim qytetin e Perëndisë, vendin e shenjtë ku banon shumë i Larti.
PS 46:5 Perëndia është në mes të tij, ai nuk do të luajë nga vendi; Perëndia do ta ndihmojë në dritat e para të mëngjesit.
PS 46:6 Kombet do të ziejnë, mbretëritë do të tronditen; ai dërgoi jashtë zërin e tij, toka u shkri.
PS 46:7 Zoti i ushtrive është me ne; Perëndia i Jakobit është streha jonë. (Sela)
PS 46:8 Ejani dhe admironi veprat e Zotit, që ka bërë mrekulli mbi tokë.
PS 46:9 Ai bën që të pushojnë luftërat deri në skajet e tokës; ai prish harqet dhe thyen shtizat, dhe djeg qerret me zjarr.
PS 46:10 Ndaluni dhe pranoni që jam Perëndi; do të ngrihem lart midis kombeve, do të ngrihem lart mbi tokë.
PS 46:11 Zoti i ushtrive është me ne; Perëndia i Jakobit është streha jonë. (Sela)
Created with HTMLCompiler by BibleDatabase