Main Index: Albanian Bible UTF8

 

Psalms 103

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79] [80] [81] [82] [83] [84] [85] [86] [87] [88] [89] [90] [91] [92] [93] [94] [95] [96] [97] [98] [99] [100] [101] [102] [103] [104] [105] [106] [107] [108] [109] [110] [111] [112] [113] [114] [115] [116] [117] [118] [119] [120] [121] [122] [123] [124] [125] [126] [127] [128] [129] [130] [131] [132] [133] [134] [135] [136] [137] [138] [139] [140] [141] [142] [143] [144] [145] [146] [147] [148] [149] [150]

PS 103:1 Beko, shpirti im, Zotin, dhe të gjitha ato që janë tek unë të bekojnë emrin e tij të shenjtë.

PS 103:2 Beko, shpirti im, Zotin dhe mos harro asnjë nga të mirat që ka bërë.

PS 103:3 Ai fal të gjitha paudhësitë e tua dhe shëron të gjitha sëmundjet e tua,

PS 103:4 shpengon jetën tënde nga shkatërrimi dhe të kurorëzon me mirësi dhe dhembshuri;

PS 103:5 ai ngop me të mira gojën tënde dhe të bën të ri si shqiponja.

PS 103:6 Zoti vepron me drejtësi dhe mbron çështjen e të shtypurve.

PS 103:7 Ai i tregon Moisiut rrugët e tij dhe bijve të Izraelit veprat e tij.

PS 103:8 Zoti është i mëshirshëm dhe zemërbutë, i ngadalshëm në zemërim dhe i madh në mirësi.

PS 103:9 Ai nuk grindet përjetë dhe nuk e ruan zemërimin gjithnjë.

PS 103:10 Ai nuk na trajton siç e meritojnë mëkatet tona dhe nuk na dënon në bazë të fajeve tona.

PS 103:11 Sepse sa të lartë janë qiejtë mbi tokën, aq e madhe është mirësia e tij ndaj atyre që kanë frikë prej tij.

PS 103:12 Sa larg është lindja nga perëndimi, aq shumë ai ka larguar nga ne fajet tona.

PS 103:13 Ashtu si një baba është i mëshirshëm me bijtë e tij, kështu është i mëshirshëm Zoti me ata që kanë frikë prej tij.

PS 103:14 Sepse ai e njeh natyrën tonë dhe nuk harron që ne jemi pluhur.

PS 103:15 Ditët e njeriut janë si bari; ai lulëzon si lulja e fushës;

PS 103:16 në qoftë se era i kalon sipër, ai nuk është më dhe vendi i tij nuk njihet më.

PS 103:17 Por mirësia e Zotit vazhdon nga përjetësia në përjetësi për ata që kanë frikë prej tij, dhe drejtësia e tij për bijtë e bijve,

PS 103:18 për ata që respektojnë besëlidhjen e tij dhe mbajnë në mendje urdhërimet e tij për t'i zbatuar në praktikë.

PS 103:19 Zoti e ka vendosur fronin e tij në qiejtë, dhe mbretërimi i tij sundon mbi gjithçka.

PS 103:20 Bekoni Zotin ju, engjëj të tij të pushtetshëm dhe të fortë, që bëni atë që thotë ai, duke iu bindur zërit të fjalës së tij.

PS 103:21 Bekoni Zotin, ju, tërë ushtritë e tij, ju, tërë ministrat e tij, që zbatoni vullnetin e tij.

PS 103:22 Bekoni Zotin, ju, të gjitha veprat e tij, në të tëra vendet e sundimit të tij. Shpirti im, beko Zotin!

 

Created with HTMLCompiler by BibleDatabase