Main Index: Albanian Bible UTF8

Psalms 88

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79] [80] [81] [82] [83] [84] [85] [86] [87] [88] [89] [90] [91] [92] [93] [94] [95] [96] [97] [98] [99] [100] [101] [102] [103] [104] [105] [106] [107] [108] [109] [110] [111] [112] [113] [114] [115] [116] [117] [118] [119] [120] [121] [122] [123] [124] [125] [126] [127] [128] [129] [130] [131] [132] [133] [134] [135] [136] [137] [138] [139] [140] [141] [142] [143] [144] [145] [146] [147] [148] [149] [150]

PS 88:1 O Zot, Perëndi i shpëtimit tim, unë bërtas ditë e natë para teje.

PS 88:2 Arriftë deri te ti lutja ime, vëri veshin britmës time,

PS 88:3 sepse shpirti im është ngopur me të keqen, dhe jeta ime ka arritur deri në Sheol.

PS 88:4 Tanimë përfshihem ndër ata që do të zbresin në gropë, jam si një njeri që nuk ka më forcë.

PS 88:5 Jam braktisur midis të vdekurve ashtu si të vrarët që janë në varr, të cilët ti nuk i mban mend dhe që janë prerë e janë larguar nga dora jote.

PS 88:6 Ti më ke shtënë në gropën më të thellë, në vënde të errëta, në humnerat.

PS 88:7 Mbi mua ka shpërthyer zemërimi yt, dhe ti më ke marrë me vete megjithë valët tua. (Sela)

PS 88:8 Ti më ke lënë pa miqtë e mi; më ke bërë për ta një objekt të neveritshëm; jam mbyllur dhe nuk mund të dal.

PS 88:9 Syri im venitet nga dhembja; të kërkoj çdo ditë, o Zot, dhe i zgjat drejt teje duart e mia.

PS 88:10 A do të bësh vallë mrekulli për të vdekurit? A do të ringjallen të vdekurit për të të lëvduar? (Sela)

PS 88:11 A do të kremtohet mirësia jote në varr dhe besnikëria jote në vendin e shkatërrimit?

PS 88:12 A do të njihen mrekullitë e tua në terr dhe drejtësia jote mbi tokën e harresës?

PS 88:13 Por unë të këlthas ty, o Zot, dhe lutja ime të drejtohet në mëngjes.

PS 88:14 Pse më refuzon, o Zot, pse më fsheh fytyrën tënde?

PS 88:15 Kam qenë i pikëlluar dhe duke vdekur qysh në rini; kam vuajtur nga tmerret e tua dhe e kam humbur.

PS 88:16 Mbi mua ka kaluar zemërimi yt i zjarrtë; tmerret e tua më kanë asgjesuar,

PS 88:17 më kanë rrethuar si ujërat gjatë gjithë ditës dhe të gjitha së bashku më kanë mbytur.

PS 88:18 Ke larguar nga unë miqtë dhe të njohurit e mi; miku im më i ngushtë është errësira.