PS 76:1 Perëndia njihet mirë në Judë, emri i tij është i madh në Izrael.
PS 76:2 Tabernakulli i tij është në Salem dhe ai banon në Sion.
PS 76:3 Këtu ai ka copëtuar shigjetat e zjarrta të harkut, mburojën dhe shpatën e luftës. (Sela)
PS 76:4 Ti dukesh i lavdishëm dhe i fuqishëm mbi malet e presë.
PS 76:5 Trimat i kanë zhveshur, i ka zënë gjumi, dhe asnjë prej atyre trimave nuk ka mundur të përdorë duart e tij.
PS 76:6 Mbas qortimit tënd, o Perëndia i Jakobit, qerret dhe kuajt mbetën të shushatur.
PS 76:7 Nga ti, pikërisht nga ti, duhet të kenë frikë; dhe kush mund të rezistojë para teje kur zemërohesh?
PS 76:8 Ti ke bërë që të dëgjohet nga qielli vendimi yt, tokën e zuri frika dhe heshti,
PS 76:9 kur Perëndia u ngrit për të gjykuar, për të çliruar tërë nevojtarët e tokës. (Sela)
PS 76:10 Edhe zemërimi i njerëzve do të shndrrohet në lavdi për ty, dhe ti do të rrethohesh me vetë mbeturinat e zemërimi të tyre.
PS 76:11 Bëjini zotime Zotit, Perëndisë tuaj, dhe plotësojini; tërë ata që rinë rreth tij t'i çojnë dhurata të Tmerrshmit.
PS 76:12 Ai u heq frymën qeveritarëve, nga ai druhen mbretërit e tokës.
Created with HTMLCompiler by BibleDatabase