PS 107:1 Kremtoni Zotin, sepse ai është i mirë, sepse mirësia e tij vazhdon përjetë.
PS 107:2 Kështu thonë të shpenguarit prej Zotit që ai i ka çliruar nga dora e kundërshtarit,
PS 107:3 <add> dhe që ka mbledhur nga vende të ndryshme, nga lindja dhe perëndimi, nga veriu dhe nga jugu.
PS 107:4 Ata endeshin nëpër shkretëtirë, në vënde të shkretuara, dhe nuk gjenin asnjë qytet ku të banonin.
PS 107:5 Të uritur e të etur, jeta e tyre po ligështohej.
PS 107:6 Por në fatkeqësitë e tyre ata i thirrën Zotit dhe ai i çliroi nga ankthet e tyre;
PS 107:7 dhe i çoi në rrugën e drejtë, me qëllim që të arrinin në një qytet ku të banonin.
PS 107:8 Le të kremtojmë Zotin për mirësinë e tij dhe për mrekullitë e tij në dobi të bijve të njerëzve.
PS 107:9 Sepse ai ka ngopur shpirtin e etur dhe e ka mbushur me të mira shpirtin e uritur.
PS 107:10 Të tjerë rrinin në terr dhe në hijen e vdekjes, robër të pikëlluar dhe në zinxhira,
PS 107:11 sepse ishin rebeluar kundër fjalëve të Perëndisë dhe i kishin përçmuar këshillat e Shumë të Lartit;
PS 107:12 prandaj ai rrëzoi zemrën e tyre me shqetësime; ata ranë poshtë dhe asnjeri nuk u vajti në ndihmë.
PS 107:13 Por në fatkeqësinë e tyre ata i thirrën Zotit, dhe ai i shpëtoi nga ankthet e tyre,
PS 107:14 i nxori nga terri dhe nga hija e vdekjes dhe i këputi lidhjet e tyre.
PS 107:15 Le të kremtojmë Zotin për mirësinë e tij dhe për mrekullitë e tij në dobi të bijve të njerëzve,
PS 107:16 sepse ai ka shembur portat prej bronzi dhe ka këputur shufrat prej hekuri.
PS 107:17 Disa njerëz pa mend vuanin për sjelljen e tyre rebele dhe për mëkatet e tyre;
PS 107:18 ata urrenin çdo ushqim dhe kishin arritur në prag të vdekjes,
PS 107:19 por në fatkeqësinë e tyre i thirrën Zotit, dhe ai i shpëtoi nga ankthet e tyre.
PS 107:20 Ai dërgoi fjalën e tij dhe i shëroi, i shpëtoi nga gropa.
PS 107:21 Le ta kremtojmë Zotin për mirësinë e tij dhe për mrekullitë e tij në dobi të bijve të njerëzve;
PS 107:22 le të ofrojnë flijime lëvdimi dhe le të tregojnë veprat e tij me këngë gëzimi.
PS 107:23 Ata që zbresin në det me anije dhe që bëjnë tregëti mbi ujërat e mëdha,
PS 107:24 shohin veprat e Zotit dhe mrekullitë e tij në humnerat e detit.
PS 107:25 Sepse ai urdhëron dhe shkakton një erë furtune, që i ngre përpjetë valët e detit.
PS 107:26 Ata ngjiten deri në qiell dhe bien në humnera; shpirti i tyre ligështohet nga ankthi.
PS 107:27 Atyre u merren këmbët dhe lëkunden si të dehur, dhe nuk dinë më ç'të bëjnë.
PS 107:28 Por në fatkeqësitë e tyre i këlthasin Zotit, dhe ai i shpëton nga ankthet e tyre.
PS 107:29 Ai e fashit furtunën në një murmurim dhe valët e saj pushojnë.
PS 107:30 Kur ato qetësohen, ata gëzohen, dhe ai i çon në portin e dëshiruar prej tyre.
PS 107:31 Le të kremtojmë Zotin për mirësinë e tij dhe për mrekullitë që bën në dobi të bijve të njerëzve;
PS 107:32 le ta lëvdojnë në kuvendin e popullit dhe le ta lavdojnë në këshillin e pleqve.
PS 107:33 Ai i shndërroni lumenjtë në shkretëtirë dhe burimet e ujit në vende të thata;
PS 107:34 tokën pjellore në vend të thatë për shkak të sjelljes së keqe të banorëve të saj.
PS 107:35 Ai e shndërron shkretëtirën në liqen dhe tokën e thatë në burime uji.
PS 107:36 Atje ai strehon të uriturit, dhe këta ndërtojnë një qytet për të banuar,
PS 107:37 mbjellin arat dhe kultivojnë vreshta që prodhojnë një korrje të bollshme.
PS 107:38 Ai i bekon dhe ata shumëzohen fort, dhe ai nuk e pakëson bagëtinë e tyre.
PS 107:39 Por pastaj pakësohen në një numër të vogël dhe dobësohen për shkak të shtypjes, të fatkeqësisë dhe të ankthit.
PS 107:40 Ai hedh përbuzjen mbi princat dhe i bën që të enden nëpër vende të shkreta, ku nuk ekziston asnjë rrugë.
PS 107:41 Por e ngre nevojtarin nga varfëria dhe i shton familjet e tyre si një kope.
PS 107:42 Njerëzit e drejtë e shohin këtë dhe kënaqen, por tërë njerëzit e këqij e mbajnë gojën të mbyllur.
PS 107:43 Ai që është i urtë le t'i këqyrë këto gjëra dhe le të çmojë mirësinë e Zotit.
Created with HTMLCompiler by BibleDatabase