1COR 16:1 Sa për të mbledhurit e ndihmave për shenjtorët, bëni edhe ju ashtu si i urdhërova kishat e Galatisë.
1COR 16:2 Të parën ditë të çdo jave, secili nga ju le të vërë mënjanë aq sa mundet sipas të ardhurave të tij, që, kur të vij, të mos bëhen atëherë mbledhje ndihmash.
1COR 16:3 Edhe, kur të vij, ata që ju do të miratoni, unë do t'i dërgoj me letra, që të çojnë në Jeruzalem dhuratën tuaj bujare.
1COR 16:4 Dhe po të jetë e udhës që të shkoj vetë, ata do të shkon me mua.
1COR 16:5 Edhe unë do të vij te ju, pasi të kem kaluar nëpër Maqedoni.
1COR 16:6 Dhe ndoshta do të rri te ju, ose edhe të dimëroj, që ju të më përcillni kudo që të shkoj.
1COR 16:7 Sepse kësaj here nuk dua t'ju shoh vetëm kalimthi, por shpresoj të rri pak kohë pranë jush, në dashtë Zoti.
1COR 16:8 Dhe unë do të rri në Efes deri për Rrëshajët,
1COR 16:9 sepse m'u hap një derë e madhe dhe e efektshme, dhe kundërshtarë ka shumë.
1COR 16:10 Tani, nëse vjen Timoteu, kujdesuni që të rrijë me ju pa druajtje, sepse ai punon për veprën e Zotit ashtu si unë.
1COR 16:11 Pra, asnjë të mos e përçmojë, por përcilleni në paqe që të vijë tek unë, sepse e pres bashkë me vëllezërit.
1COR 16:12 Sa për vëllanë Apol, iu luta shumë që të vijë tek ju bashkë me vëllezërit, por ai s'deshi kurrsesi të vinte tani; por do të vijë kur ta ketë volinë.
1COR 16:13 Rrini zgjuar, qëndroni të palëkundshëm në besim, silluni si burrat, jini të fortë.
1COR 16:14 Dhe çdo gjë që bëni, ta bëni me dashuri!
1COR 16:15 Tani, o vëllezër (ju e njihni familjen e Stefanas që është fryti i parë i Akaisë dhe që i janë kushtuar shërbesës së shenjtorëve),
1COR 16:16 ju bëj thirrje që t'u nënshtroheni edhe ju atyreve dhe kujtdo që punon dhe mundohet në punën tonë të përbashkët.
1COR 16:17 Edhe gëzohem për ardhjen e Stefanas, të Fortunatit dhe të Akaikut, sepse ata e plotësuan mungesën tuaj,
1COR 16:18 sepse e freskuan frymën tim dhe tuajin; prandaj nderoni njerëz të tillë.
1COR 16:19 Kishat e Azisë ju përshëndesin; Akuila dhe Prishila, bashkë me kishën që është në shtëpi të tyre, ju përshendesin shumë në Zotin.
1COR 16:20 Të gjithë vëllezërit ju përshëndesin; përshëndetni njëri-tjetrin me një puthje të shenjtë.
1COR 16:21 Të fala me shëndet me dorën time, të Palit.
1COR 16:22 Nëse ndokush nuk e do Zotin Jezu Krisht, qoftë mallkuar! Maranatha a.
1COR 16:23 Hiri i Zotit Jezu Krisht qoftë me ju.
1COR 16:24 Dashuria ime qoftë me ju të gjithë në Krishtin Jezu. Amen.
Created with HTMLCompiler by BibleDatabase